Girtiyê Kurd ê ji navçeya Qoserê ya Mêrdîna Bakurê Kurdistanê Cengîz Yusufoglu piştî 31 salan ji girtîgehê hat berdan.

Cengîz Yusufoglu dema di nav refên Hêzên Parastina Gel (HPG) de bû bi birîndarî hatibû girtin û pişt re ji aliyê Dadgeha Ewlehiyê ya Dewletê ve bi cezayê heta heta yê girtîgehê hatibû cezakirin.

Li gorî nûçeya Ajansa Mezopotamyayê (MA), Cengîz Yusufoglu îro ji Girtîgeha Êlihê hatiye berdan.

Girtiyê Kurd li pêşiya girtîgehê ji aliyê malbata xwe û nûnerên partiyên siyasî ve hat pêşwazîkirin û pişt re bi karwanekî re ber bi warê xwe Qoserê ve bi rê ket.

Cengîz Yusufoglu li Qoserê ji aliyê xizmên xwe û nûnerên partiyên siyasî û mirovên girtiyan ve hat pêşwazîkirin û pişt re derbasî gundê xwe yê Kermirara bû.

Yusufoglu ev 6 meh in cezayê xwe yê girtîgehê temam kiribû lê berdana wî bi hincetên cuda cuda dihat bipaşxistin.