Navenda Nûçeyan - Li gor nûçeya Komeleya Mafê Mirovan a Hengaw îro 30.06.2020ê cezayê darve kirinê yê girtîyekî kurd ê bi navê Mihemed Ezîz Mehmûdî li girtîxaneya navendî ya Sine ji alîyê sazîya dadwerîyê ve hat bicîhanîn.

Mihemed Ezîz Mehmûdî temen 25 salî bû û xelkê gundê Dizlî ya ser bi Sewlawa ya ser bi parêzgeha Sine bû. Du sal berî naha kesekî din ê xelkê Dizlî yê bi navê Dîyako Kerîmî kuştibû. Navborî heman rojê hatibû girtin û piştre ji alîyê dadgehê ve cezayê darve kirinê jê re hatibû dayîn.