Mehkemeya Îstînafî îdîa kerd ke kişîyayîşê Kemal Kurkutî de qusûr çin o û bira tazmînatî ya seba keyeyê Kurkutî betal kerde.

2017 de şayîya Newroze de Amed de Kemal Kurkut hetê polîsêkê tirkî ra amebi kiştene. Dewaya kiştişê Kurkutî de mehkeme bire dabî ke tazmînato manewî û madî yê 256 hezar TLyî bêro dayene keyeyê Kurkutî.

Dayîreyê 3. yê Dewaya Îdarî ya Mehkemeya Îdarî ya Herême ya Dîlokî bira tazmînatî betal kerde. Mehkemeya Îstînafî îdîa kerd ke kişîyayîşê Kemal Kurkutî de qusûr çin o û Kurkut çarçewa qanûnan de ameyo kiştene.

Îstînafî vat ke ''xizmetê asayîşî de qusûrê îdareyî çin o.''