Grûpên çekdar hewl didin ciwanên Efrînê bibin şerê Lîbyayê
Grûpa Siltan Murad ku bi navê Emşat tê naskirin daxwazê li xelkê Efrînê dike ku biçin li Lîbyayê şer bikin.
A+A-
Rêxistina Mafên Mirovan li Efrînê ragihand ku grûpa Emşat, roja 6ê tîrmehê, gundîyên Şîyê li ser rêya Sereke ku jê re rêya Hemamê tê gotin kom kirine.
Seyfedîn el-Casim, birayê Ebû Emşe fermandarê grûpa Siltan Silêman Şah daxwaz li gundîyan kirîye ku zarokên xwe bişînin Lîbyayê da ku li wir şer bikin.
Seyfedîn el-Casim gotîye gundîyan bila zarokên we biçin Lîbyayê şer bikin û mehane 2 hezar dolar werbigirin li şûna ku hûn li benda werza zeytûnan bin.
Li gor raportên ku şandina çekdaran ji alîyê Tirkîyê bo Lîbyayê dişopînin, hejmara çekdarên Sûrî li Lîbyayê ji 15 hezar çekdar zêdetir bûye.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin