Ku pêşnîyazên AKP û MHP yên derbarê guherandina nîzamnameya navxweyî ya Meclîsa Mezin ya Tirkiyeyê bihên qebûlkirin; mebûsên ku di axaftina xwe de navê kurd û Kurdistanê bi kar bînin dê ceza werbigrin û ev ceza cezayê pereyan e û miqdara wê jî 12 hezarên TL ye.

Ku mebûsek cezayê îqazê werbigre ji meaşê wî/wê sêya yek yanî 6 hezar TL dê bihê birrîn.

Ev ceza her weha ji bo wan wekîlên ku di meclîsê de pankrat vebikin û heqaret bikin jî derbas dibe.

Serok û wekîlênserokê meclîsê yên civînê îdare dikin ku mebûs li wan sixêf, tehdît bikin ew mebûs nikarin bêşdarê sê civîna bibin û bi 12 hezarê TL dihê bên cezakirin.

Yên di Meclîsê de şer bikin, sîle li hev bixin, porê hev bikşînin û hêk bavêjin ew jî dikevin kategorîya ‘cezayê giran’

Mebûsên ku çek/debanca li ser xwe bigerînin berê dê bi 6 hezar cezayê îqazê û ew bi çek bikevin civîna meclîsê dê bi 12 hezarî bihên cezakirin.

Mebûsên ku di axaftina xwe ya Meclîsê de gotina ‘Kurd’ û ‘Kurdistan’ û  ‘tevkujîya Ermenîyan’ bi kar bînin dê bi 12 hezar cezayê pereyan bihên cezakirin.