Partîya Maf û Azadîyan (HAK-PAR), Partîya Sosyalîst a Kurdistanê (PSK), Partîya Welatparêzên Kurdistanê (PWK), roja 23.02.2025ê, li bajarê Îzmîrê, li Qada Konakê, di derbarê 21ê Sibatê Roja Zimanê Dayikê ya Cîhanî de daxuyanîya hevbeş ya hersê partîyan xwendin, ev roj pîroz kirin.
Civîna çapemenîyê, li gel pankarta ‘’Zimanê Me Habûna Me Ye’’ hate li dar xistin.
Di destpêka çalakîyê de wek moderator, endamê Meclîsa Partîyê ya PWKyê Mehmet Ermîş, di derbarê armanca vê çalakîyê  de kurte axaftinek kir. 
Paşê, endamê Melîsa Partîyê ya PSKyê Bedrî Yaman bi kurdî, Serokê Teşkîlata Îzmîrê ya HAK-PARê Mehmet Alî Sonmez jî bi tirkî daxuyanîya hevbeş xwendin.
Çalakî bi awayekî serkeftî bidawî hat.
23.02.2025
Buroya Ragehandinê ya Partîya Welatparêzên Kurdistanê (PWK)
.................................................
Daxuyanîya hevbeş ya ku HAK-PAR, PSK û PWKyê li Îzmîrê bi minasebeta  Roja Zimanê Dayikê ya Cîhanî  li Qada Konakê xwendine:
21ê Sibatê Roja Zimanê Dayîkê ya Cîhanê pîroz be.
Li gel tirkî divê kurdî jî bibe zimanê fermî.
Bi boneya 21ê Sibatê Roja Zimanê Dayîkê ya Cîhanê ku bi biryara UNESCOyê li hemû cîhanê tê pîrozkirin, em careke din bala we bikşînin ser wê yekê ku Kurdên ku ji sê parên nifûsa Tirkiyeyê pêk tên, îro jî ji derfeta perwerdehîya bi zimanê dayîkê bêpar in.
Divê hemû astengîyên li pêşiya zimanê me yê zikmakî kurdî bên rakirin û di qadên giştî da bi awayekî azad bikaranîna wî bê dayîn.
Divê zarokên kurd ji dibistana seretayî heta zanîngehê bi zimanê kurdî perwerdehîyê bibînin.
Li gel tirkî divê kurdî jî bibe zimanê fermî.
Divê dewlet dev ji polîtîkaya asîmîlasyonê berde û zimanên cuda wekî bîr, mîrateya hevpar û dewlemendiya mirovahîyê bibîne.
Weke kurdên Bakurê Kurdistanê û Tirkiyê divê em bernameyên taybet ji bo axaftin û fêrbûna kurdî çêkin.
Li aliyê din em hewldanên asîmîlasyonê yên li dijî zimanê kurdî, ku ev 100 sal in parçeyek ji polîtîkaya anakronîst a tinekirinê ya li dijî kurdan e, binpêkirina mafên herî bingehîn ên mirovî û hovîtî ya bi armanca tunekirina bîr û çanda hevpar a mirovahîyê, dibînin.
Li aliyê din em di wê baweriyê da ne ku erkên girîng ên Kurdan jî hene;
Hemû partiyên siyasî yên Kurd, rêxistinên sivîl, rêxistinên girseyî yên demokratîk, TV, radyo û saziyên çapemenîyê; Siyasetmedar, nivîskar, hunermend, rewşenbîrên kurd; Divê di hemû xebatên xwe yên siyasî, çandî, hunerî, edebî û weşangerî da zimanê kurdî wek zimanê bingehîn bi kar bînin.
 Divê hemû şaredarî, weqif, karsaz û rêxistinên civaka sîvîl di vekirina dibistanên taybet û kursên ku bi zimanê zikmakî perwerdehiya bi kurdî didin, pêşengiyê bikin an jî piştgirî bidin van însîyatîfan.
Bila roja zimanê zikmakî bibe destpêka bidestxistina mafê perwerdeya bi kurdî û mezinkirina têkoşînê ji bo ku kurdî wek zimanê fermî bê qebûlkirin.
21ê Sibatê Roja Zimanê Dayîkê pîroz be
Zimanê me hebûna me ye!
Em bi Kurdî biaxivin, Kurdî hîn bibin, Kurdî bikin zimanê xwe yê jiyanê!
 

HAK-PAR                                       PSK                                      PWK

​​​​​​