Navenda Nûçeyan - Wezareta navxwe ya Kurdistanê di çarçoveya pilana berhingarbûna nexweşîya Koronayê de ferman da tevahîya parêzgeh û rêveberîya deverên Germîyan û Raperîn yên Başûrê Kurdistanê hatin û çûna penaber û koçberên ku li Başûrê Kurdistanê dimînin, bo derveyî Kurdistanê bidin sekinandin.

Di fermannameya wezareta navxwe de hatîye gotin, ji bo xwe parastina ji nexweşîya Koronayê û pêşgîrtin li belavbûna wê nexweşîyê, hatin û çûna koçber û penaberan bo derveyî Herêma Kurdistanê û vegera wan bo nav Kurdistanê bidin sekinandin.

Wezareta navxwe daye zanîn, ev rewş dê heta fermanek din bidome.