Hemserekanê Pêroyî yê HDP mesajê Serekê PKK Abdullah Ocalanî ra pey beyanatêk da û vat: ‘’Vatişê Ocalanî û stratejîya HDP’yî sey yewbînan ê.’’

Hemserekê Pêroyî yê HDP Pervîn Bûldane û Sezaî Temllîyî seba mesajê Ocalanî beyanatêko nuştekî da. Beyanatê HDP de wina ame vatiş:

‘’HDP partîyêka sembolê sîyasetê demokratîkî û muzakereyanê demokratîkan a. Tesbîtê Ocalanî yê semedê HDP dayo zaf xorî yê û manayêka înan a tarîxkî esta. Vatişê Ocalanî û stratejîya HDP sey yewbînan ê. Wa no nêro vîrakerdene ke  Ocalan mîmarê fîkrîyatê ronayîşê HDP yo. Ocalan mûhatabanê tewr muhîman ê meseleya Kurdî ra yewêk o.

 Ajansê Îktîdarî AA bi no qayde ehlaqê çapemenî binpay kerd û bi eşkera îxlalkerdişê huqûqî yê Îmrali ramojna. Serokkomar Erdogano ke  bi ney waşt ke Ocalan û partîya ma biverdo pê, esasî de bêçareyîya xo ramot.

Ocalanî bi perspektîfanê xo eşkera vato ke ‘Rayîro hîrêyin’ şima yê. No rayîrê haştîye yo. HDP ça ra yeno wa bêro vera zilm, zordarîye û nêheqîye de ya. HDP semedê sîyasetê demokratîkî biisrar o. Coka beyanatê Ocalanî û sîyasetê HDP sey yewbînan ê. Ma mabênê her di blokanê tarîxkî de het nêbenê û bi qerardarîya semedê rayîrê hîrêyinî tê gêrenê. Stratejîya HDP ya Stenbolî de çîyêk nêbedilyaye.’’