Merkezê Xeberan- Wezîrê Karanê Teberî yê Almanya Heîko Maasî derheqê hêrişê Tirkîya yo ser Rojavayê Kurdistanî de qisey kerd û va: Eke dewleta Tirkî hêrişanê xo yê eskerî bidomno, ma do dest bi ambargoyêkê ekonomîkî bikê, naye ra ma prosesê adirbesî nêzdî ra taqîb kenê. Maasî hêrişê Tirkîya zî sey 'îşxalkarîye'  name kerd.

Îdareyê Berlînî îqazêko bîn day rejîmê Tirkîya. Wezîrê Karan ê Teberî yê Almanî Heîko Maasî televîzyonê ZDF'yî rê qisey kerd û vat, "Goreyê ma, hêrişê dewleta Tirkîya yê ke Kurdan rê benê, goreyê huqûqê mîyanneteweyî meşrû nîyê." Maasî îqaz kerd ke, ê do Anqara ser o ambargo ronê.

Maasî wina dewam kerd: "Eke îşxalkarîya wînayîne goreyê huqûqê mîyanneteweyî nîya, o çax na yena menaya binpaykerdişê huqûqê mîyanneteweyî."

Maasî îfade kerd ke ê do seba ke îşxalkarîya Tirkîya bivindarnê têbigêrê. Maasî derheqê adirbirnayîşê bi mîyançîtîya DYA de vat, " Goreyê ma, hêrişê dewleta Tirkîya yê ke Kurdan rê benê, goreyê huqûqê mîyanneteweyî meşrû nîyê." Maasî îqaz kerd ke, ê do Anqara ser o ambargo ronê.

Maasî  pêameyîşê multecîyan yê serra 2016î ke mabênê Bruksel-Enqere de amebî îmzakerdene ser o zî va: Nê rojan Erdogan vano 'ma do beran abikê' û muhacîran bierşawe Ewropa . Ma do Tirkîya reyde derheqê bi zorî berdişê multecîyanê 'Herêma Asayîşêne'a  ke Tirkîya wazena serê sînorî de saz bike de pêvînayîş bikê, "Karo ke goreyê ma meşrû û huqûqî nîyo rê ma pereyan nêdê."

Wezîrê Karanê Teberî yê Almanî da zanayene ke Yewîya Ewropa de seba ke ambargoyanê serê Tirkîya bîyarê serê masa û wina dewam kerd: "Ma bi zelalî vanê ke ma do ambargoyan bikê, nê ambargoyan de ambargoyê ekonomîkî vernî de yeno. Seba naye ma prosesê adirbirnayîşî taqîb kenê. Ma wazenê bizanê ke Tirkîya senî tê gêrena."