Navenda Nûçeyan - Mirî û berkeftîyên nexweşîya Koronayê li Çînê û hinek welatên din yên cîhanê her ku diçe zêde dibin. Tê gotin ku li Çînê mîna rojên destpêkê nîne û hejmara mirîyan kêmtir bûye.

Li gorî amarên dawî, heşt kes li Îranê mirine, sê kes li nav keştîyeka Japonya mirine, heft kes li Koreya Başûr mirine, du kes li Hong Kongê û kesek li Japonya, kesek li Taywanê, kesek li Fransa, kesek li Fîlîpînê, sê kes jî li Îtalîya mirine.

Li Çînê jî heta niha 2 hezar û 594 kes mirine, bi vî rengî hejmara kesên ku ji ber nexweşîya Koronayê canê xwe ji dest dane, gihîştîye 2 hezar û 619 kesan.

Hejmara berkeftîyan jî gihîştîye 77 hezar û 150 kesan û yên ku baş bûne jî gihîştîye 24 hezar û 734 kesan.