Li gor agahîyên dawî yên Zanîngeha Johns Hopknsê, li seranserê cîhanê 20,090,541 kes bi vîrusa korona ketine.

Vîrusa korona herî zêde li Amerîka hatîye tespît kirin ku li wî welatî hejmara pêketîyan bi qasî 5,1 mîlyon e.

Li dû Amerîka, bi 3 mîlyon pêketîyan Brezîlya, li dû wê jî bi 2,2 mîlyon pêketîyan Hîndistan tê.

Jiber vîrusa korona li seranserê cîhanê 736,208 mirin çêbûne û Amerîka bi pirtir ji 163,000 mirinan di rêza pêşî de ye û li dû wê bi 101,000 mirinan Brezîlya heye.

Ew vîrus di meha Berfanbarê de li Wuhan ya Hubei ya Çînê derketibû û ji wir derbazî dewletên din bûbû.

Agahîyên Zanîngeha Johns Hopkinsê raber dikin ku li Çînê bi qasî 89,000 kes bi vîrusa korona ketine û 4,689 kes bi wê jîyanên xwe ji dest dane.