Vîrusa korona herî zêde li Amerîka hatiye tespît kirin ku li wî welatî hejmara pêketîyan pirtir ji 7,2 mîlyon e. Li dû Amerîka bi 6,8 mîlyon pêketîyan Hîndistan û li dû wê jî bi 4,8 mîlyon pêketîyan Brezîlya tê.

Jiber vîrusa korona li temamê cîhanê 1,016,723 kesan jîyanên xwe ji dest dane. Amerîka bi 207,605 mirinên ji vîrusa korona li cîhanê di rêza pêş de ye û li dû wê bi 143,952 mirinan Brezîlya heye.

Ew vîrus di meha Berfanbarê de li Wuhan ya Hubei ya Çînê derketibû û ji wir derbazî dewletên din bûbû. Agahîyên Zanîngeha Johns Hopkinsê raber dikin ku li Çînê pirtir ji 90 hezar kes bi vîrusa korona ketine 4739 kes bi wê mirine.