Hejmara şehîd û birîndarên êrişa şeva borî ya DAIŞê eşkere bû

Fermandeyekî Pêşmerge ragihand, di êrişa şeva borî ya DAIŞê de li Xaneqînê, sê pêşmerge şehîd bûn.

A+A-

Navenda Nûçeyan- Şeva borî çekdarên DAIŞê li nêzîkî gundê Dekey Ebdulqadir Beg yê Xaneqînê êrişî hêzên Pêşmerge kirin.

Fermandeyekî Pêşmerge li tabûra 3 ya Pêşmerge bi navê Cimûr Rostem li ser wî şerî ji BasNewsê re got, di wî şerî de mixabin sê pêşmerge şehîd bûn û du pêşmerge jî birîndar bûn.

Wî fermandeyê Pêşmerge da zanîn, pêşmergeyan di wî şerî de mêrxasîyek mezin nîşan dan û got, hinek pêşmerge bi birîndarî şer dikirin.

Navên pêşmergeyên ku şehîd bûne, ev in: Loqman Necim (33 salî), Zîyad Xelîfe (33 salî) û Meirûf Mihemed Mehmûd (44 salî).

Pêşmergeyên Birîndar: Şivan Mecîd û Selah Îbrahîm Mihemed.

Bi gotina wî fermandeyê Pêşmerge, terorîstên DAIŞê destpêkê bi topên hawanê li wan dane paşê êriş kirine.

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin