Merkezê Xeberan - Hukmatê Herêma Kurdistanî warê tedbîranê virusê Korona de xebatêka weşe nîşan dano.

Wezîrîya Weşîye ya Herêma Kurdistanî aşkere kerd ke, mîyanê 24 saetanê peyênan de nêweşêkê virusê Korona (Covid-19) nêameyo tespîtkerdene û nika tena 15 hebî nêweşê înan estê.

Wezîrîya Weşîye vana ke, mîyanê 24 saetanê peyênan de 1216 testê Korona amê kerdene û testê tu kesêk poîtîf nêvejyayo.

Goro ke Wezîrîya Weşîye ya Herêma Kurdistanî aşkere kerd, 4 rojîyo ke testêkê înan pozîtîf nêvejyayo û nêweşêkê Korona nêameyo tespîtkerdene.

Herêma Kurdistanî de heta nika tena 5 kesî virusê Korona ra merdê û tena 15 heb nêweşê Korona mendê.