Merkezê Xeberan - Wezaretîya Weşîye ya Herêma Kurdistanî şewa bîne 15 Hezîrane de derheqê bilançoya nêweşîya Covid-19î de beyanatêk pare kerd.

Wezaretîya Weşîye ya Herêma Kurdistanî aşkere kerd ke, vizîr ra nata 7 tenî rîyê virusê korona ra merdê û 166 kesî zî bi korona kewtî.

Wezaretî da zanayîş ke, şaristanê Hewlêrî de 32 nêweşî amê tespîtkerdene û kesek merdo, şaristanê Silêmanîye de 127 nêweşî amê tespîtkerdene û 6 tenî merdî, Germîyan de 22 nêweşî, Duhok de zî 2 û Helebce de 5 nêweşî amê tespîtkerdene.

Herêma Kurdistanî de hûmara kesê ke bi Korona kewtê vejîya 2,473  kesan, 1036 nêweşî weş bîyê û 54 tenî zî na nêweşî ra merdî.