Herêma Kurdistanî de rîyê wiwabîyayîşî ra awe bîye kêmî. Kêmbîyayîşê awe ver qesrêka dewrê Mîttanîyan ra menda amey vînayîş. 

Hewayo germ û ziwayî  bîy sebeb ke awe biba kemî. Gorê xebera CNNî bi kêmbîyayîşê awe qesra ke emrê aye 3.400 serrî yo amey vînayîş. Naye ser arkeologê Kurdî û Almanî bajarê Herêma Kurdistanî Duhok de dest bi xebate kerd.

Awanîya kehene sîteya Kemûnî de amey vînayîş  û rîyê na sîte rîyê awbendê Mosilî ra binê awe de mendebî.

Key ke awa royî serra 2010î de tayn bîye kemî qesre tay asîyabî. La nika qesre tem vejîya orte

Arkeologo Kurd Hasan Ahmed Qasimî seba vermendeyanê dewrê Bronzî va, “Keşfanê tewr muhîman ê arkeolojîkan ê nê serranê peyênan ra yew o”.

Gorê xebera CNN Internationalî herêma ke qesre tede ya, o wext medenîyetê Mîttanî serdest bîyî. Bi rayîrê nê keşfî do derheqê Mîttanîyan de hîna zêde melumat bêro girewtiş.