Artêşa Tirkîya 2 rojîyo ke Herêma Kurdistanî de, cayê ke tede îdîa kena PKKyijî estê de operasyon daya dest pêkerdene.

Operasyon de koyê Qendîlî, herêma Xakurkî hetê teyarayan şerî ra amê bombardumankerdene.

Goro ke Artêşa Tirkîya vata, operasyone de 2 eskerê tirkan amê kiştene. Nê 2 eskerî herêma Xakurkî de hetê mîlîtananê PKK ra amê kiştene. Namê eskerê ke amê kiştene zî aşkera bîy. Eskeran ra namê yewî Mehmet Taşhan, namê yewî zî Raşît Aydin o.

Îdarekaranê PKK zî derheqê opresyona Artêşa Tirk de beyanat da û aşkera kerd ke bombardumanê Artêşa Tirkîya de 3 mîlîtanê înan merdê. Qaso ke vajîya nê 3 mîlîtanê PKK herêma Metîna de merdê.

Heto bîn ra Wezîrê Pawitişî yê Tirkîya Hulusî Akar zî derheqê operasyona Tirkîya de beyanat da û va: Hetê eskeranê ma ra şikeft û stargehê PKK yenê kontrolkerdiş û îmxakerdiş. Qaso ke Wezîrê Tirkîya vano operasyone de 15 mîlîtanê PKK merdê.

Semedê operasyona Tirkîya ya eskerî şarê a mintiqa aciz o. Şar vano, rîyê bombarduman û eskeranê Tirkîya ra ma mîyanê terse de yê. Her roj dewê ma hêgayê ma û koyê ma yenê bombardumankerdene.