Hêrişê hewayî yê Îsraîlî yê vera Şamî de tewr tay 2 sivîlan dinyaya xo bedilna.

Goreyê ajansê xeberan ê hukmatê Şamî SANA vera noqtayanê başûrê Şamî serê sibayî hêrişê hewayî ame kerdene. Ame parekerdene ke hêriş bi sîstemê pawitişê hewayî ame astengkerdene. Goreyê ajansî hêriş de 2 sivîlan dinyaya xo bedilnaye.

Dezgehê Çimdarîye yê Heqanê Merdiman ê Sûrîye pare kerd ke hêriş vera depoyê çekan û cebilxaneyanê Îranî yo ke nêzdîyê Meydanê Teyarayan ê Şamî yo, ame kerdene.

Îsraîlî destpêkê serre ra nata tewr tay hewt reyî vera Sûrîye hêrişê hewayî kerdî.

Menga sibate de hêrişêkê vera Şamî de 2 leşkerê Şamî û 4 kesê pabesteyê hêzanê Îranî kişîyabî.