Goro ke vajîya hêrişêkê Talîbanî de 13 eskerê artêşa Afganistanî ameyê kiştene.

Îdarekarê Afganî yê asayîşî aşkere kerd ke, vizêr çekdaranê Talibanî, Wîlayetê Bexlanî yê bakurê welatî de 2 hêrîşî têdima kerde û netîceyê hêrişî de 13 eskerî ameyê kiştene û 5 zî birîndar bîyê.

Çend rojî verê cû wîlayetê Ewrûzxanî de, netîceyê hêrişêkê çekdaran de, 5 eskerê hêzê asayîşî yê Afganan û 17 çekdarê Talibanî ameybî kiştene.

Her çiqas mabênê hukmatê Afganistanî û Talîbanî de bi mîyancîtîya Amerîka de adirbes ameyo îlankerdiş zî. Nê rojan de mabênê artêşa Afkanîstanî û çekdaranê Talîbanî de bi ameyîşê serekê newî yê Amerîka Joe Bidenî ra dima ceng zêde bîyo.