Beledîyeya bajarê Bedlîsî hêrs û reaksîyonê şarî ra pey tabelaya Kurdî ya dekewtiş û û vejîyayîşê bajarî newe ra aliqna, la tabelaya bînaya beledîya hema nêameya aliqnayîş.

Ame vînayîş ke tabelaya dekewtiş û vejîyayîşê Bedlîsî bi Kurmanckî, Tirkî, Kirdkî (Zazakî), îngilîzî û Erebî newe ra amey aliqnayîş.

Tabela ser o  ‘Şima xeyr amê Bedlîs’ ame nuştiş û namê alimo Kurd Bedîuzzeman Seîdê Kurdî zî sey; Bediuzzaman Said-i Nursî’ ame nuştiş.

Seke yeno zanayîş Serekê Beledîyeya Bedlîsî yê AKP Nezrullah Tanglay wexto ke weçînayîş qezenc kerd tabelaya ‘Şaredarîya Bedlîsî’ binaya beledîye ser ra ardbi war û  tena tabeleya ‘Bitlis Belediyesi’ verdabi. Tabelaya Kurdkî bîna ser o hema zî nêameya aliqnayîş.