Navenda Nûçeyan - Li gor zanyarîyên berdest, di civîna dawîyê ya wezareta Pêşmerge û wezareta berevanîya Iraqê de, şandeya Pêşmerge 8 xal bo rêkeftinê dane alîyê Iraqî.

Biryar bû şandeyekî wezareta berevanîya Iraqê bo guftûgo li ser wan 8 xalan serdana Hewlêrê bike, lê ji ber pêşhateyan, bi taybet jî xwepêşandanên Iraqê heta naha dema serdana wan a Hewlêrê dîyar nebûye.

Heşt xalên wezareta Pêşmerge dane wezareta berevanîya Iraqê waha ne;

- Vegera Pêşmerge bo navçeyên Kurdistanê yên derveyî îdareya herêma Kurdistanê.

- Pêkanîna operasyonên hevbeş li dijî rêxistina terorîst a DAIŞê.

- Danûstanên zanyarîyên îstixbaratî

- Beşa budceya Pêşmerge di budceya berevanîya Iraqê de.

- Rahênana hêzên Pêşmerge.

- Hemahengîya Pêşmerge û artêşa Iraqê li hember DAIŞê.

- Kar kirina li gor rêkeftinên berê yên di navbera her du alîyan de.