Na xebate, tezê masterî yê Yaşar Balukenî ya û Weşanxaneyê Peywendî ra ameya çapkerdiş.

Kirdkî(Zazakî), mintiqa ra mintiqa ra bediîyena û wayîrê xususîyetanê cîyayan a. Fekê Çewlîgî wayîrê xususîyetanê taybetan o. Bi taybetî hetê nêrkî û makiye ra fekanê bînan ra cîya yo. Antişê karan û îzafeyan de zî, mîyanê wextî de bîyo wayîrê cîyayîyan. Yaşar Balukenî masterê xo Fekê Çewlîgî ser o hedre kerdo. Fekê Çewlîgî xo mîyan de zî mintiqa ra mintiqa bedilîyeno. Yaşar Balukenî, na xebata xo de nê mintiqayî zî esas girewtê û xususîyetanê nê fekan bi teferuatî nuştê. Fekê Çewlîgî ser o heta nika tayê nuşte û meqaleyî ameybî weşanayîş la na xebate, xebata biîntîzame û akademik a. Ez bawer kena na xebate do cigêrayoxanê ziwanî rê biba destegîrêka başe. Fekê Çewlîgî eke weş bêro famkerdiş, do wendoxî folklorê Çewlîgî ra hîna zêde tehm bigerê. Yaşar Baluken serran ra nat ziwanî ser o xebitîyeno û kede dano. Dest û qelama ey ternî bê.

Yaşar Baluken, Hetê Gramerî ra Fekê Çewlîgî, Weşanxaneyê Peywend, Îstanbûl, 2022.