Îngîltereyî de komêka zanyaran derheqê destpêkê kaînatî de metodêk keşif kerd.

Zanyarî dekewenê xorînîya kaînatî mîyan û vîyarteyê kaînatî de raywanîye kenê. Roşnîyê ke galaksîyanê duran ra rasenê ma, derheqê vîyarteyê kaînatî de malûmatan danê ma. La nê cigêrayîşî xeylê zehmet ê. Dîmenê ke rasenê ma mij û hewran ver zelalîye nêdanê ma. Zaningehê Cambiridgeyî ra zanyaran va ma na meseleye ser o metodêk peyda kerdo.

Do zanyarî bieşkê bi nê metodî estareyanê verênan mîyanê hewranê hîdrojenî de temaşe bikerê. Seba hedrekerdişê nê metodî xeylê teknîkî ameyê gurînayîş. Bi nê metodî do sînyalê kozmolojîkî parazîtan ra bêrê abirnayîş û objeye fezayî bêrê zelalkerdiş.

Koma zanyaran ra sereknuştoxa meqaleyî Eloy de Lara Acedo va, “Wexto ke estareyê verênî peyda bîyê, kaînat ekseri veng bi û ekserî bi hidrojen û helyûmî amebi pê. Erdantişî ver elementî ameyê têhet û seba fîzyonê nukleerî şertî ameyê ca. La dormaleyê estareyanê verînan bi hewranê hîdrojenî girewteyo. Coka tespîtkerdişê roşnîyanê înan zehmet o.”

No metodo newe, bi maqaleyê ‘REACH: Seba Analîzê Hîdrojenê Kozmîkî Cerebnayîşê Radyoyî’ kovara Nature Astronomyî de ame weşanayîş.