Serok Mesûd Barzanî îro înê di berdewamiya serdana xwe de, li Bexdayê bi Serokê Bizava Hikme ya Iraqê Emmar Hekîm re civiya. Barzanî û şanda pê re serdana ofîsa taybetî ya Emmar Hekîm kirin û bi wî re hevdîtin pêk anîn.

 

Di berdewamiya serdana xwe de, serok Barzanî îro li gel serokê parlamentoya Iraqê yê berê, Selîm Cibûrî re jî hevdîtinek pêk anî. Di hevdîtinê de, behsa rewşa Iraqê bi giştî û çareserkirina pirsgirêkên navxweyî yên Iraqê hate kirin.

 

Serok Barzanî di berdewamiya hevdîtinên xwe yên li gel berpirsên Iraqî de, bi Serokê Eniya Iraqî Bo Diyaloga Niştimanî, Salih Mutleg re civiya.

 

Serok Barzanî di duyemîn roja serdana xwe ya bo Bexdayê de, li cihê mana xwe pêşwazî li Serokê Eniya Tirkmenî ya Iraqê Erşed Salihî û şanda pê re kir.

 

Serok Mesûd Barzanî herwiha li cihê mana xwe li Bexdayê pêşwazî li bîrmend û siyasetvanê navdarê iraqî, Hesen Elewî kir. Di vê hevdîtinê de, herdu aliyan di derbarê rewşa siyasî û geşedanên herî dawî yên li Iraqê de gotûbêj kirin.

 

Herwiha Serok Mesûd Barzanî û şanda li gel wî, bi serokê Hevpeymaniya Nesir Heyder Ebadî re jî civiya.