Di17.03.2017ê hevjîna serokê Tevgera Gorran Newşîrwan Mistefa, Şûle Elî Seîd li nexwaşxaneyeke bajarê Silêmaniyê koça dawî kirîye.

Heman roj bi amadebûna berpirsên payebilind ên partî û hikûmetê merasîmê li girê Seywan bi axê hatîye spartin.

Şûle Elî di sala 1957ê de ji dayik bûye, sala 1981ê bi Newşîrwan Mistefa re zewicîye û dêya 2 kurên bi navê Nima û Çiya û keçek bi navê Çira ye.

Şûle Elî di pirraniya rawestgeh û qonaxên jiyana kesî û bûyerên siyasî yên Kurdistanê de û bi taybetî di serdema xabata li çiya de, hevrêyê hevjînê xwe Newşîrwan Mistefa bûye.

Serokê Herêma Kurdistanê Mesûd Barzanî û Serokwezîrê Herêma Kurdistanê Nêçirvan Barzanî peyamê sersaxî ji  Newşîrwan Mistefa  re şandin.

Beyana Mesûd Barzanî weha ye: ”Bi xemeke giran ve nûçeya koça dawî ya xwedê jê razî xanim Şûle Elî Seîd a hevjîna we birêz min bihîst. Ji ber vê jî serxweşiya xwe ez arastey we û malbata we û kesûkarên we dikim. Ji xwedê hêvî dikim cîhê wê biheşt be.”