Hevseroka Şaxa Îdirê ya DEM Partiyê Alya Akkuş piştî wergirtan îfadeyan hat girtin.

Hêzên Ewlehiyê yên Tirkiyeyê 18ê Sibata 2025an di çarçoveya lêkolîneke Serdozgeriya Komarê ya Stenbolê de li parêzgeha Îdirê ya Bakurê Kurdistanê bi ser mala Alya Akkuşê de girt.

Alya Akkuş bi hinceta "endamtiya rêxistinê" hatibû desteserkirin û piştre ew şandibû parêzgeha Stenbolê.

Îro piştî kar û barên yasayî Hevseroka Şaxa Îdirê ya DEM Partiyê Alya Akkuş bi tohmeta "endamtiya rêxistinê" hat girtin û hêzên ewlehiyê ew bir girtîgehê.

Di nav vê hefteyê de li zêdeyî 51 parêzgehên Tirkiye û Bakurê Kurdistanê  bi "hinceta endamtî û alîkariya PKKyê" operasyon hatin kirin û zêdeyî 300 kes hatin desteserkirin û îro 30 kes bi biryara dadgehê hatin girtin.