Navenda Nûçeyan - Hevserokê Encûmena Cîbicîkar a Herêma Cezîrê li Rojavayê Kurdistanê, Telat Yûnis ji Rûdawê re ragihand, ku wan tedbîrên pêwîst bo rûbirûbûna vîrusa Koronayê wergirtine.

Telat Yunis îro Sêşemê 7ê Nîsanê beşdarî bernameya Nûroja Dostan a Rûdaw TVyê bû û têkildarî tedbîrên Rêveberîya Xweser ên ji bo rûbirûbûna vîrusa Koronayê axivî.

Telat Yûnis da zanîn, ku di 15 rojên derbasbûyî de ti haletek tûşbûnê bi Korona li navçeyên Rêveberîya Xweser çênebûye.

Li gor Hevserokê Encûmena Cîbicîkar a Herêma Cezîrê li Rojavayê Kurdistanê, Qedexeya çûn û hatinê li bajar û bajarokên Cezîrê bi teundî tên kirin.

Telat Yûnis tekez kir, ku tevî wan tedbîrên tund ku Rêveberîya Xweser ji bo rûbirûbûna Koronayê wergirtine, û tevî şîyanên wan ên sînordar, lê heta niha ti alîyekî navdewletî yan rêxistinek tendirustî alîkarîya wan nekirîye.

Hevserokê Encûmena Cîbicîkar a Herêma Cezîrê li Rojavayê Kurdistanê herwiha eşkere kir, ku xelkê Cezîra Rojavayê Kurdistanê bi zanebûn û hişyarî mameleyê ligel xweparastinê ji vîrusa Koronayê dikin, herwiha gel li Rojavayê Kurdisytanê û bakurê rojhilatê Sûrîyê di pirsa rûbirûbûna Koronayê de alîkarîya desthilatên peywendîdar dike, lewra wan heta niha rewş bi giştî kontrol kirîye.

Li Rojavayê Kurdistanê û herêmên di bin kontrola Rêveberîya Xweser de heta niha ti rewşên tûşbûna bi COVID-19 nehatine tomarkirin, lê belê rêveberîyê hejmarek navendên taybet bi nexweşên vê vîrusê amade kirine.

Ekrem Hiso: Pêwîstîya Rojavayê Kurdistanê bi alîkarîya aborî û tendirustî heye

Li Rojavayê Kurdistanê amadekarîya xwendina online tê kirin

Dezgeha Xêrxwazî ya Barzanî: Pêwîstîya koçberên Rojava bi alîkarîyên lezgîn heye