Piştî serdegirtina ser avahiyên Partiya Demokratîk a Gelan (HDP) yên li Yenîşehîra Diyarbekirê, herdu hevserokên rêxistina bajêr ên HDPê Zeyyat Ceylan û Hulya Alokmen Uyanik hatin binçavkirin û ew birin navenda têkoşîna dijî terorê.

Ceylan beriya ku were binçavkirin li ser serdegirtin û lêgerîna nav avahiyên HDPê daxuyanî da û ragihand ku dixwazin bi fişaran wan krîmînalîze bikin û mebest jî dûrxistina wan ji qada siyasî ye.

Zeyyat Ceylan diyar kiriye ku ew ji hizra xwe ya biratiya gelan û têkoşîna demokrasiyê venagerin û zorbetiya li ser wan tê kirin jî bi salan e berdewam dike, lê ew dê têkoşîna xwe siberojê jî dewam bikin.

Piştî lêgerînên li nav avahiyên HDPê yên Diyarbekirê herdu hevserokên rêxistina bajêr hatin binçavkirin û polîsan ew birin navenda dijî terorê ya emniyeta Diyarbekirê.