Navenda Nûçeyan- Heyeteke HAK-PARê ku ji Cîhgirên  Serokê Giştî yê  HAK-PARê   Birêzan Sedat Çınar û Yeter Polat, Endamên  Meclîsa  HAK-PARê birêzan Paşa Akdoğan, Ramazan Eren û Muhittin Batmanlıve  pêk hatî, roja 04.01.2020an seredana Teşkîlata Amedê  ya PAKê kirin.

Cîhgirê Serokê Giştî yê PAKê Birêz Nurullah Timur û endamên Komîteya Birevebir a Navendî ya PAKê birêzan Hanifi Turan û Vahit Aba pêşewazîya heyeta HAK-PARê kirin.

Heyeta HAK-PARê   di vê seredanê de got, ‘’Ji ber seredanên Serokê Giştî  û heyetên PAKê yên li Amedê û Stanbolê yên jibo HAK-PARê em dixwazin spasîya PAKê bikin. Armanca esasî ya seredana me jî îadeyî zîyaret e’’.

Di vê seredanê de heyetên PAKê û HAK-PARê di derbarê  rewşa giştî ya Kurdistanê û Tirkîyeyê de û li ser rûdanên  vê dawîyê bîr û rayên xwe pêşkêş kirin.

Hevdîtina heyetên PAK û HAK-PARê di atmosfereke dostane de derbas bû.Herweha ji bo di rojên pêş de hûnandin û pêşdebirina peywendîyên herdu partîyan de hevdîtineke baş bû.

04.01.2020

Buroya Çapemenî û Ragehandinê ya PAKê