Merkezê Xeberan - Hemserekê Konseya Demokratîke ya Sûrîye Îlhame Ehmed û Rîya Dîrar Danîmarka de pêvînayîşanê xo dewam kenê û zaf parlamenteranê partîyanê sîyasîyan reyde kom bîyî.

Wezîrê Karanê Teberî yê Danîmarka Jeppe Kofod zî tewrê kombîyayîşêkî bi. Hemserekan derheqê hêrişanê dewleta tirke yê vera Rojawanî de zanayîşî dayî. Ehmede bale ante nê çîyan ser ke dewleta tirke ya îşxalkere û cerganê aye zaf sivîlî qetil kerdî û çekê kîmyewîyî xebitnayî. Ehemede vat: "Her çiqas peymane zî biba bombardûmana Serêkanîye û Girê Sipî ser o dewam kena. Nêzdîyê 300 kesan koç kerd."

Hemserekan pare kerd ke firsendê Îdareyê Vakur û Rojhelatê Sûrîye tay ê û seba hetkarîya koçberan ganî hetê hêzanê mîyanneteweyîyan ra hetkarîye bêra kerdene.