Heyeta PAKî Amed de Îadeyî Zîyaret a Partîya Ameyoxî (Gelecek Partisi) KerdHeyetêka PAKî ke tede Hetkarê Serekê Pêroyî yê PAKî Nurullah Timur û Vahit Aba, endamê Meclîsa Partîye ya PAKî Kutbettin Yildiz û rayberê Teşkîlatê Amedî yê PAKî İsmail Ediş ca girewtêne roja 10.11.2021î de Teşkîlatê Amedî yê Partîya Ameyoxî (Gelecek Partisi) zîyare kerd.

Heyeta Gelecek Partisi (Partîya Ameyoxî) ya ke mîyan de Serekê Teşkîlatê Amedî Aydin Aytaç û Rayberê Teşkîlatê Amedî estbî ameyî heyeta PAKî vera.

Heyeta PAKî îzah kerd ke, înan semedê îadeî zîyaret Partîya Ameyoxî (Gelecek Partisi) ziyaret kerdo. Heyeta Gelecek Partisi (Partîya Ameyoxî) verê cû Amed de PAK ziyaret kerdbî.

Heto bîn ra PAKî  derheqê waştişanê Kurdan ê acîl de zanayîş da û va, caardişê waştişê Kurdan do berê çareserîya meseleya Kurd û Kurdistanî akero.

Heyeta Partîya Ameyoxî (Gelecek Partisi) zî seba zîyaretî spasîyê xo pêşkêşê heyeta PAKê kerd û derheqê rewşa Tirkîya û bîyayîşanê demê peyênî de û rayîrê partîya xo îfade kerd û waşt ke dîyalogê her di partîyan dewam biko.

Pêvînayîşê heyeta PAK û Gelecek Partisi atmosferêko weş de vîyart û her di hetan zî muhîmîya dîyalogê mabênê her di partîyan de îfade kerd.

10.11.2021

Buroya Çapemenî û Têkilîye ya PAKî