Roja 22.09.2021 de heyetêka PAKî ya ke mîyan de Seroekê Pêroyî yê PAKî Mustafa Özçelik, Hetkarê Serekê Pêroyî yê PAKî Kasım Ergün, Vahit Aba, Sereka Komîsyona Cinîyan a PAKî Nezihe Karahan estbî, Şaredarîya Dêrsimî û Baroya Dêrsimî zîyaret kerd,  qismêk mamosteyê Unîwersîteya Mûnzûrî reyde pêvînayîş kerd.

Heto bîn ra heyeta PAKî, dostê PAKî yê Dêrsimî de zî pêvînayêko berhemdar kerd.

Serekê Şaredarîya Dersimî Fatîh Mehmet Moçoglû, Şaredarîya Dêrsimî de ame heyeta PAKî vera.

Serekê Pêroyî yê PAKî Mustafa Özçelikî, spasîya Fatîh Mehmet Moçoxlûyî kerd û  derheqê PAKî de, derheqê waştişanê acîl yê seba çareserkerdişê meseleya Kurd û Kurdistanî de agahdarî da û sîyasetê Dewleta Tirkîya yê vêşnayîşê daristanê Dersimî û bajarê bînî yê Kurdistanî protesto kerd.

Serekê Şaredarîya Dersimî Fatîh Mehmet Moçoxlû zî heyeta PAKî rê sipas kerd û drheqê xebatê Şaredarîya Dersimî û derheqê rewşa pêroyî ya Dêrsimî de zanayîş da.

Heyeta PAKî badê cû Baroya Dêrsimî zîyaret kerd.

Serekê Baroya Dêrsimî Avukat Kenan Çetîn ame heyeta PAKî vera.

Serekê Pêroyî yê PAKî Mustafa Özçelikî, spasîya Avukat Kenan Çetîn kerd û derheqê PAKî de, derheqê waştişanê acîl yê seba çareserkerdişê meseleya Kurd û Kurdistanî de û derheqê nîqaşê Qanûnê Bingehînî yê Newî de fikrê xo îzah kerd.

Serekê Baroya Dêrsimî Avukat Kenan Çetînî zî heyeta PAKî rê sipas kerd û derheqê rewşa pêroyî ya Dêrsimî de agahdarî da û semedê çareserkerdişê meseleyan û Qanûnê Bingehînî yê newî de fikrê xo îzah kerd.

Heyeta PAKî her di pêvînayîşan de zî eleqa ant kampanyaya wa ziwanê kurdkî bibo ziwanê fermî, bibo ziwanê perwerdeyî ser.

Pêvînayîşê heyeta PAKî ya bi Şaredarîya Dêrsimî û Baroya Dêrsimî atmosferêko dostane, germ û berhemdar de vîyart.

Pêvînayîşan ra dima, heyeta PAKî peykerê rayberê şarê Kurdistanî Seyîd Rizayî zîyaret kerd.

Heyeta PAKî Seyîd Riza û heme şehîdê Kurdistanî bi hurmet yad kerd.

22.09.2021

Buroya Çapemenî û Têkilî ya PAKî

Buroya Çapemenî û Ragehandinê ya PAKê