Heyeta Platformê Ziwanê Kurdkî vizêr, roja sêşemê Beledîyeya Mêrdinî û Beledîyeya Qoserî ziyaret kerde.

Heyeta Platformê Ziwanê Kurdkî vizêr, roja sêşemê Beledîyeya Mêrdinî û Beledîyeya Qoserî ziyaret kerde.

Mîyanê heyeta platformî de verfekê platformî Şerefxan Cizîrî, Vahit Aba, endamê îdareyî Sedat Dogan û Devrim Malgaz estbî. 

Heyete dima ra Serekê Beledîyeya Mêrdînî  Ahmed Turk de amey yewca. Namê heyete ser o verfekê Platformê Ziwanê Kurdkî Şerefxan Cizîrî qiseykerdişêk kerd û va: Birêz Ahmed Turk ez ewilî to pîroz kena û wezîfeyê to de to rê serkewtiş wazena. Ma beledîyeya şima ra wazenê şima xebatanê xo de ca bide ziwanê Kurdkî. Mêrdîn bajarêkê Kurdîstanî yo, her çiqas zî xeylê bawerî û ziwanê binî estbê, şarê tîya zafê xo Kurd o û bi Kurdkî qisey keno. Coka lazim o beledîyeya tîyayî xebatanê xo bi Kurdkî biko û wayîrê Kurdkî vejîyo.”

Heyeta Platformê Ziwanê Kurdkî dima ra şîy qezaya Mêrdînî Qoser. Heyete Qoser de zî Sereka Beledîya Nilufer Elik Yılmaz dir amey têlewe. 

Zîyaretan ra dima Heyeta Platformê Ziwanê Kurdkî îzeh kerd ke, serekanê her di beledîyeyan eleqeyêko weş nîşanê înan day û hêvî kenê ke nê beledîyeyî xebatanê xo de cayêko zêde bidê ziwanê Kurdkî.