Îro heyetek hevbeş ji nûnerên PSK û PAKê li Brukselê buroya Hukûmeta Herêma Kurdistanê ziyaret kir. Nûnerê Hukumeta Herêma Kurdistanê Dîlawer Ajgeyî pêşwazî li heyetê kir.

Di hevdîtinê de, sohbetek germ û dostane çêbû. Herdû aliyan li ser rewşa Bakur û Başûr agahdarî dan hev. Pêwistîya hevkariya hêzên Kurdistanê beşek ji yê sohbetê bû. Heyeta PSK û PAKê girîngiya xwedîlêderketina destkeftiyên Başûr anî ziman û weke destkeftiyên her çar aliyê Kurdistanê destnîşan kir. Herweha PSK û PAK di civînê de qala ji aliyê Dewleta Tirkiyê ve dozvekirina ji bo girtina çar partiyên ku bêjeya kurdî di navê wan de heye jî kirin.

Birêz Dîlawer Ajgeyî jî qala rewşa nuh a Başûrê Kurdistanê kir, lihevhatina hêzên Başûrê Kurdistanê ku wek lîsteyek beşdarîya hilbijartinên herêman Kurdistanê ku di çerçova qanûna 140î de ne û li derveyî Îdara herêma Hukumeta Kurdistanê kir û kêfxweşiya xwe ji bo vê seredana heyetê diyar kir.