Welatperwerê kurd, kedkarê doz azadîya Kurdistanê Necatî Tank, ji ber nexweşîya xwe li Almanyayê koça dawî kiribû.

Cenazeyê Necatî Tank roja 10.01.2025ê, li gundê Balibey yê Erzîncanê hate veşartin.

Cîhgirên Serokê Giştî yê Partîya Welatparêzên Kurdistanê (PWK) Vahît Aba û Mehmet Can Azbay, Cîhgirê Serokê Giştî yê HAK-PARê Cîhan Baykara û rêvebirên HAK-PARê, Serokê KURD-KAVê Mehmet Celal Baykara û gelek sîyasetmedar û rewşenbîrên kurd û malbat û mirovên Necatî Tank beşdarî merasîma cenazeyê Necatî Tank bûn.

Di merasîmê de, sîyasetmedar û rewşenbîrên kurd Suleyman Ateş, Necatî Bayram, Mehmet Celal Baykara, İbrahim Güçlü, Seher Erol di derbarê jîyan û têkoşîna Necatî Tank de axivîn.

Cîhgirê Serokê Giştî yê Partîya Welatparêzên Kurdistanê Vahît Aba jî di merasîmê de di derbarê jîyan û xebata Necatî Tank de axaftinek kir.

10.01.2025

Buroya Ragehandinê ya Partîya Welatparêzên Kurdistanê (PWK)