Heyeta PAKî roja 01.02.2022yê Rayberîya Herêma Sanayî ya Organîze ya Amedî (Diyarbekır OSB) Zîyaret Kerd.

Heyeta PAKî de Hetkarê Serekê Pêroyî yê PAKî Nurullah Timûr û Vahît Aba û endamê Meclîsa Partîye ya PAKî Eyup Alacabey, sîyasetmedaro kurperwer Osman karavîl ca girewtî.

Serekê Herêma Sanayî ya Organîze ya Amedî (Diyarbekır OSB) Mustafa Fîdan û endamê Komîteya Rayberîya yê Diyarbekır OSByî Sezaî Topalan ameyî heyeta PAKî vera. Heyeta PAKî spasîya Rayberîya Diyarbekır OSB kerd.

Heyeta PAKî armancê zîyaretê xo wîna îfade kerd:’” Ma derheqê bîyayîş û problemanê îkdîsadî, sîyasî, îdarî û komelkî yê pêroyî û mehelî de wazenê waştiş, pers û pêşniyarîyanê sanayîkaranê Amedî ra melumat bigîrê û fikir û sîyasetê PAKî şima reyde pare bike.’’

Rayberîya Diyarbekır OSByî zî seba zîyaretê PAKî spasîya xo pêşkêşê heyeta PAKî kerde.

Serekê Diyarbekır OSByî Mustafa Fîdanî zî derheqê tesirê rewşa aborî ya pêroyî û atmosferê nêdemokratîk yê Tirkîya de zanayîş da; derheqê problem û astengîyan de; derheqê problem û astengîyanê verê sermayedaranê xerîban ê ke yenê Amed de; derheqê kerdênanê qeyûman de û derheqê zaf meseleyanê bînan de vîr û ray û tesbît û pêşniyarîyê xo îfade kerd.

Pêvînayîşê heyeta PAKî û Rayberîya Diyarbekır OSByî atmosferêko dostane û berhemdar de vîyart.

01.02.2022

Buroya Çapemenî û Têkilîye ya PAKî