Hat ragihandin ku şeva borî hêzên artêşa Iraqê girtin ser gundê Pelkane yê ser bi navçeya Sergeran a Kerkûkê û bi şikandina alavên avdanê yên cotkarên Kurd, keyayê gund desteser kirin.

Welatiyekî Pelkanê ji K24ê re ragihandiye, şeva borî derengiya şeva borî leşkerên Firqeya 8 a artêşa Iraqê bi otombîlên zirhî êrişî gund kirin û keyayê gund binçav kirin û alavên avdanê yên çandiniyê yên ku dîtin, ziyan dîtin û nekarîn bi kar bînin.

Keyayê gund Deştî Aga diyar kiriye, sedema desteserkirina wî çandina ceh û avdana zeviyên xwe bûye.

Niştecihên gundê Pelkane dibêjin, kesên ku bi çandiniyê ve mijûl dibin bûne armanca hêzên ewlehiyê yên Iraqê.

Piştî bûyerên 16ê Cotmeha 2017ê Erebên îthal, bi piştevaniya hêzên Iraqî derbasî navçeyên Kurdistanî yên derveyî îdareya Herêma Kurdistanê bûn û dest danîn ser mal û warên Kurdan.

Li gundê Pelkane ku yek ji van cihan e, şêniyên gund piraniya salê rastî zextên hêzên Iraqî û gef û çewsandina Erebên ji derve tên.