Li Sûriyeyê hêzên ewlehiyê yên hikûmeta nû li sînorê Libnanê bi endamên desthilata Esed a rûxiyayî re şer dikin.

Hêzên Birêvebiriya Operasyonên Leşkerî li sînorê Sûriye û Libnanê bi leşkerên dema desthilata Beşar Esed re şer dikin.

Hat destnîşankirin ku li gundên Kome, Cerbeş û Elzerba, çoltera Himsê, Deriyê Gumrikê yê Matarbayê yê li ser sînorê Sûriye û Libnanê û çoltera navçeya Quseyrê ya li başûrrojavayê Himsê şer û pevçûn qewimîne.

Piştî vê yekê hêzên zêdetir ên girêdayî Birêvebiriya Operasyonên Leşkerî çûne herêma ku dem bi dem şer û pevçûn lê diqewimin.

Heyeta Tehrîr El Şamê (HTŞ) 8ê Kanûna Pêşîn Şama paytexta Sûriyeyê kontrol kir û li Sûriyeyê serweriya desthilata Beşar Esed bi dawî bû.

Hinek endam û alîgirên desthilata Esed carinan bi taybetî li herêmên nêzîkî sînorê Libnanê bi hêzên birêvebiriya niha re şer dikin.