Hêzên hikûmeta Sûriyê pêgehên çekdarên opozisyona Sûriyê li başûrê parêzgeha Idlibê li bakurê rojavayê wî welatî topbaran kirin.

Li gor çavkaniyên xwecihî, roja Duşemê 22ê Gulanê topxaneya Artêşa Sûriyê pêgehên çekdarên opozisyona Sûriyê li gundê San li başûrê bajarê Idlibê û rojavayê bajarokê Seraqib kirine armanc.

Çavkaniyên xwecihî tu zanyarî derbarê encamên topbaranê û zerar û ziyanên wê de nedane.

Gundê San dikeve başûrê rêya M4 û tenê kîlometreyekê ji xêzên rûbirûbûna di navbera çekdarên opozisyona Sûriyê û artêşa hikûmetê de dûr e.