• Muzîsyeno Kurd Ganî Mîrzo û derhênero Arjantînij Pablo Tosco bi projeyêk hîkayeyêka Kurdanê Êzdîyan belgefîlmêk ancenê.

Muzîsyeno Kurd Ganî Mîrzo û derhênero Arjantînij Pablo Tosco bi projeyêk hîkayeyêka Kurdanê Êzdîyan belgefîlmêk ancenê.

Ganî Mîrzo û Pablo Toscoyî verî cû pîya bi nameyê ‘Hammonîya Badê Şerî’ belgefîlmêk antibî. Nika nê di hunermendî bi projeyêka newîye ameyê têhet. 

‘Jenosîdê kulturî’

Ganî Mîrzoyî derheqê preje de va, “Belgefîlmê ma do 2 serran de hedre bo. belgefîlm do behsê barbarîya Daîşî yê Şengalî bikero. Ma do rewşa Êzdîyanê Kurdanê Şengalî bimojnê ra. Daîş hem Kurdîstanê Başûrî de hem zî Şengal de jenasîdê kulturî kerd. Ma wazenê bi deste muzîk û hunerî nê dejan biney bikerê şenik.”

‘Harmonîya Badê Şerî’ 50 xelatî girewtê

Derhêner Pablo Toscoyî va, “’Harmonîya Badê Şerî’ 50 xelatî girewtê. Wexto ke ma waşt bivîyerê Rojava ma xeylê zemmetîyî antê. Berdişê enstrumanan zî zehmet bi. Şarî paşî da ma, ma enstrumanî berdê Rojava de kerdê vila. Na proje zî dewamê projeye Rojavayî ya. Ma bi paştîdayîşê Ganî Mîrzoyî Hanesora Şengalî de wendegehêkî muzîkî akerd. Ma waşt bi nê wendegehî psîkolojîyê domananê Êzidîyan derman bikerê.”