Serokê Dîwana Encûmena Wezîran a Herêma Kurdistanê Omêd Sebah ku di heman demê de endamê şanda Herêma Kurdistanê bo li Bexdayê ye, encamên civîna dawî ya li gel şanda hikûmeta Iraqê eşkere kirin.

Omêd Sebah got: “Roja şemiyê 05.08.2023ê wek şandeke Hikûmeta Herêma Kurdistanê li ser projeyasaya neft û gazê serdana Bexdayê kir û ligel aliyên pêwendîdar ên Hikûmeta Federal a Iraqê civînek pêk anî.”

Diyar kir jî, “Di encama civînê de me daxuyaniyeke hevbeş belav kir: Li ser bingeha pakêta reformên yasayî yên ku di bernameya hikûmetê de hatiye pêşkêşkirin, bi taybetî ya ku di xala 23ê de hatiye behskirin derbarê amadekirina yasaya neft û gazê û li ser fermana Serokwezîr Mihemed Şiya Sûdanî ji bo bilezkirina vê projeyê û li ser binemaya beşdarîkirina hemû aliyên pêwendîdar di vê projeya niştimanî de.”

Da zanîn jî: “Civîn roja 5/8/2023 bi amadebûna her du cîgirên serokwezîr (Wezîrê Derve – Wezîrê Petrolê), şanda Hikûmeta Herêma Kurdistanê, parêzgarên parêzgehên berhemhênerên petrolê, şêwirmendên serokwezîr û karmendên wezareta petrolê birêve çû. Pêwîst e. Di civînê de behsa giringî û armancên vê yasayê û pêwîstiya temamkirina wê di zûtirîn dem de hate temamkirin. Atmosfera civînê erênî bû û rengvedana berjewendî û daxwaza hemû aliyan ji bo temamkirina projeyê nîşan da.”

Omêd Sebah da zanîn: Di civînê de pêşniyarên jêrîn hatin gotûbêjkirin:

- Pêkanîna komîteyan ji bo şopandina vê mijarê û rêkxistina civînên din.

- Li gorî nêrîna wezareta hikûmeta Herêma Kurdistanê û parêzgehên berhemhêner dê kaxezek kar bi rêya komîteyan were pêşkêş kirin. Di çarçoveya nîqaşên di civînê de hatin kirin û nîqaşên berê yên ku dê bi rêya van komîteyên dê reşnivîsa dawî ya yasaya neft û gazê were lêkolînkirin û amadekirin.