Di serokatiya Serowekwezîrê Herêma Kurdistanê Nêçîrvan Barzanî de Komîsyona Petrol û Gaza Sirûştî civiya û biryar hat dayîn ku çend pirsgirêkên hene bêne çareserkirin.

 

Di civîna doh de behsa ziyanên birên petrolê ên  biçûk ne yasayî hate kirin, û biryar hate dayîn ku ew pirsgirêk were çareserkirin.

 

Biriyar hate dayîn, ku Wezareta Samanên Sirûştî, bi alîkariya Wezareta Navxwe ya Herêma Kurdistanê û serokê yekeyên îdarî, bi mekanîzmeke pêwîst a yasayî kar ji bo çareserkirina wê mijarê bikin, û hikûmet jî rêkarên pêwist ji bo parastina jîngehê û tendirustiyê û jiyana welatiyan bigire ber xwe.

 

Serokwezîr Nêçîrvana Barzanî di civînê de tekezî li ser wê yekê kiriye, ku pêwîst e saziyên îdarî bi taybetî saziyên cîbicîkirinê yên weke Wezareta Navxwe, civata asayîşê û polîs bi hevkariya parêzgaran kar li ser wê mijarê bikin, û dozgerê giştî jî hatiye raspardin ku ji aliyê yasayî ve alîkariya wê tîmê bike.

 

Nêçîrvan Barzanî ragihandiye ku parastina jîngehê û jiyana welatiyan ji karên wan yên pêşîn in, ji ber ku jiyana xelkê û parastina jîngehê ji pirsên aborî girîngtir in.