![Hilbijartina Serokkomarê Îranê ma gera duyem](https://www.rupelanu.com/d/news/31374.jpg)
Hilbijartina Serokkomarê Îranê ma gera duyem
.
Di hilbijartinên 14emîn serdema serokkomariya Îranê de ti namzedekî ji sedî 50ê dengan bi dest nexist û serokkomar dê di gera duyem de were hilbijartin.
Gera duyem a hilbijartinên serokkomariya Îranê dê 4ê Tîrmehê weri kirin.
Berdevkê Komîsyona Hilbijartinan a Îranê Muhsîn Îslamî ragihand 24 milyon û 535 hezar û 185 dengên rast hatine jimartin.
Li gorî gotina Muhsîn Îslamî, Mesûd Pizîşkiyan ku namzetê reformxwazan e 10 milyon û 415 hezar û 991 deng standine.
Sekreterê Encûmena Ewlehiyê ya Îranê yê berê Seîd Celîlî, 9 miliyon û 473 hezar û 298 deng standine.
Serokê Parlamentoya Îranê Mihemmed Baqir Qalîbaf, 3 miliyon û 383 hezar û 340 deng standine.
Wezîrê Dadê yê berê yê Îranê Mistefa Pûrmihemedî, jî 206 hezar û 397 deng standine.
Li gorî zanyariyan, milyonek û 56 hezar û 159 deng jî şewitîne.
Li gorî madeya 117an a destûra Îranê, eger yek ji namzedan ji zêdeyî sedî 50ê dengan nestîne dê 5ê Tîrmehê gera duyem a hilbijartinan were kirin.
Geram duyam a hilbijartinan jî dê navbera du namzedên ku herî zêde deng standine de pêk were.
Li Îranê serokkomar 4 salan kar dike û herî zêde 2 caran li pey hev dikare were hilbijartin.
Muhsîn Îslamî amaje bi wê yekê jî kir ku encamên hilbijartinên gera yekem dê ji bo Encûmena Parastina Destûrê werin şandin û weri pesendkirin.
Gera duyem a hilbijartinan jî dê 5ê Tîrmehê di navbera namzetên herî zêde deng bi dest xistine de were kirin.
Mesûd Pizîşkiyan û Seîd Celîlî dengên herî zêde standine.
Li gorî amarên Navenda Hilbijartinan a Wezareta Karên Navxwe ya Îranê, nifûsa welat 88 milyon e û mafê dengdanê yê 62 milyon kesan heye.
Li gorî amarên ne fermî di gera yekem a hilbijartinan de rêjeya beşdariya xelkê ji sedî 40 bûye.
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin