Mezlûm Ebdê di hevpeyvînekê de ragihand, ku ew beşek in ji rêkeftina Minbicê ya di navbera Tirkiyê û Amerîkayê de û eşkere kir, ku naveroka rêkeftinê ji aliyê wan ve hatiye qebûlkirin.

Ebdê tekez kir, ku wan li ser naveroka rêkeftinê erê kiriye û got: Mafê me yê vetoyê heye, heke ku rêkeftin ne li gor dilê me were bicîkirin.

Navhatî eşkere kir, ku ji destpêka şoreşa rojava û heya niha, nêzîkî 8 hezar şervanên wan şehîd bûne û di nav wan de, şervanên biyanî jî hene.

Derbarê operasyona Dêra Zorê Ebdê got: 95 ji şervanên ku şer dikin xelkê wê navçeyê ne.