Yezîdî diyar kir, ku "Federaliya Bakurê Sûriyê ne li dijî hatina hêzên welatên Erebî ye, ji ber ku ew ê bibin mertalek li pêşiya dagirkeriya Tirkiyeyê ku dixwaze dest li ser Bakurê Sûriyê û Iraqê deyne."

Yezîdî got: "Biryara kişandina hêzên Amerîkayê ji Sûriyê ne lojîkî ye, ji ber ku tiştê li Sûriyê diqewime, wek cengeke cîhanî ye û cengeke nû ya sar e, ji ber ku şerê navxwe yê Sûriyê hiştiye ku zehmet be welatên mezin hêzên xwe bikişînin û dibe ku daxuyaniyên Trumpî li ser wê pirsê tenê ji bo têstkirina helwestan be."

Ev çendîn car in serokê Amerîka Donald Trump behsa kişandina hêzên welatê xwe ji Sûriyê dike û berî niha jî da xuyakirin, ku ew dixwaze hêzeke hevbeş ji çend welatên kendava Erebî û Misrê li şûna hêzên Amerîkî li Bakurê Sûriyê belav bike.