HSDê 20 çekdarên ser bi Tirkiyê ve kuştin û birîndar kirin
Nêzîkî 20 çekdarên ser bi artêşa Tirkiyê ve di encama êrîşeke Hêzên Sûriyeya Demokratîk (HSD) de li derdora Til Temirê hatin kuştin û birîndar bûn.
A+A-
Rewangeha Sûrî ya Mafên Mirovan belav kir, HSDê êrîşî ser binkeyên grûpên çekdaran li eniyên gundên Ebûş û Enîq El Hewa li derdora bajarokê Til Temirê kirin.
Da zanîn jî, şervanên HSDê karîn otombîlke serbazî ya çekdaran li eniya gundê Mişêfa biteqînin.
Li gor zanyariyên Rewangehê, di encama êrîşê de nêzîkî 20 çekdaran hatin kuştin û birîndar bûn.
Ji aliyekî din ve Rewangehê diyar kir, 2 şervanên HSDê jî xwe vedizîn navçeyên çekdarn û dema hewl didan bombeyekê vedin, hatin kuştin.
Ev pêşhat piştî wê tên, piştî 40 rojî ji bêdengiyê, grûpên çekdaran careke din duhî gundên derdora Til Temirê û navenda navçeya Zirganê û gundên başûrê wê bi çekên giran topbaran kiribûn.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin