Navenda Ragihandinê ya Hêzên Sûriya Demokratîk (HSD) derbarê şer û pevçûnên berdewam ên bi komên çekdarên bi ser Tirkiyê de, daxuyaniyek belav kir û bîlançoya şer eşkere kir.

Li gorî daxuyaniya HSDê, çekdaran vê sibehê êrîşî gundê Qebir Îmo yê li rojhilatê bajarê Minbicê kirine û şervann bersiva êrîşan dane ku şerekî giran di navbera hêzên wan û çekdaran de rû daye.

Hate gotin, li herêma Pira Qereqozaqê erebeyeke çekdaran hatiye teqandin û di encamê de 2 çekdar hatine kuştin. Di heman demê de balafireke bêmirov a biçek a Tirk jî çerxerêya bajarê Sirînê bombebaran kiriye.

HSDê daye zanîn, li eniya Bendava Tişrînê jî şervanên Meclisa Leşkerî ya Minbicê êrîşên çekdaran li ser gundên Mihşiyet El Tewahîn û Xirbe Tiwênî yên navçeya Ebû Qelqet têk birine û di encamê de bi dehan çekdar hatine kuştin û birîndar kirin.

Herwiha li gorî daxuyaniyê, hêzên HSDê dest danîne ser 2 tankan û çekeke obîs tevî guleyên wê, panzêreke BMB û 2 erebeyên doçka li ser îmha kirine.

HSDê ragihandiye ku li wan herêman şer û pevçûn dewam dikin.