Heyeta HUDAPARî ke mîyan de Hetkarê Serekê Pêroyî yê HUDAPARî Rêzdar Şeyhmûs Tanrikûlû, Temsîlkarê HUDAPARî yê Hewlêrî Rêzdar Samed Yalçin, Serekê Teşkîlatê Amedî yê HUDAPARî Rêzdar Farûk Dînç, Sekreterê Teşkîlatê Amedî yê HUDAPARî Rêzdar Mucahîd Îlerî, Rayberê Teşkîlatê Amedî yê HUDAPARî Rêzdar Ferdî Teker ca girewtêne, roja panşeme, 08.12.2022, Amed de PAK ziyaret kerdî.

Hetkarê Serekê Pêroyî yê PAKî Rêzdar Nûrûllah Tîmûr û Rêzdar Vahît Aba û Vervatoxê PAKî Rêzdar Hanîfî Tûran şîy heyeta HUDAPARî ver.

HUDAPAR bi minasebetê 10 serrîya partîya xo do Amed de pîrozbayîyêke virazo. Heyeta HUDAPARî PAK zî dawetê na pîrozbayîye kerd. Heyeta HUDAPARî waşt ke demêko minasîb de, Serekê HUDAPARî û Serekê PAKî zî pêvînayîşêk bikerê.

Heyeta PAKî zî, semedê nê zîyaretî û semedê dawetê pîrozbayîya 10 serrîya HUDAPARî, spasîya heyeta HUDAPARî kerd û va, ma do waştişê pêvînayîşê serekanê her di partîyan biresne Serekê Pêroyî yê PAKî Rêzdar Mustafa Ozçelîkî.

Pêvînayîşê heyeta PAKî û heyeta HUDAPARî de, her di hetan derheqê rewşe û rojeva Tirkîya û Kurdistanî de fikir û rayîrê xo ardê ziwan.

Her di heyetan zî bale ante ser muhîmîya berdewamîya diyalogî û pêvînayîşê her di partîyan.

Pêvînayîşê heyeta PAKî û heyeta HUDAPARî atmosferêko hewle de vîyart.

08.12.2022

Buroya Çapemenî û Têkilîye ya PAKî