Merkezê Xeberan - Gorê zanayîşanê peyênan dinya de heta nika 10 hezar û 9 kesî sebebê vîrusê Korona ra merdê û 244 hezar û 526 kesan de zî nêweşîya Korona esta.

Gorê zanayîşan warê merdişan de Îtalya kewta vernîya Çînî. Zanîyeno ke demêk welatê Ç3inî merkezê irusê Korona bi.

Îtalya de heta nika 3 hezar û 405 kesî merdî û hûmara nêweşan resaya 41 hezar û 35 kesan.  4 hezar û 440 kesî zî nêweşî ra xelisyayê û bîyê weş.

Hûmara nêweşanê Korona Çîn de zî 80 hezar û 928 kes a û Çîn de heta nika 3 hezar û 245 kesî na nêweşî ra merdê û 70 hezar û 420 kesî zî weşş bîyê.

Heto bîn ra Wezaretîya Weşîye ya Îranî zî aşkere kerd ke, 18 hezar û 407 kesî welatê înan de  nêweşîya vîrusê Korona pê kewetê, 1284 kesî nêweşî ra merdê û heta niha 5 hezar û 979 kesî zî weş bîyê.

Ispanya de zî 18 hezar û 77 kesan de vîrusê COVID-19 vejîya û 831 kesî zî bi nê vîrusî merdî, 1107 kesî zî baş bîyê.

Welatanê Ewropa û bi taybetî Îtalya, Ispanya, Fransa û Almanya de vîrusê Korona bileze zêde beno û gorê Teştîlatê Weşîye yê Cîhanî (WHO), nika welatê ewropa bîyê merkezê vilabîyayîşê  vîrusê Korona.