Endamê Komîteya Teberî yê ENKS Îbrahîm Biroyî va, Amerîka projeyêka zelale semedê diyalogê mabênê kurdan pêşkêş nêkerda û PYNK zî  vera “ Pêameyîşê Siyasî yê pîyayî” kar kena.

Endamê Komîteya Teberî yê Encûmenê Niştimanî ya Kurdî ya Sûriye (ENKS) Îbrahîm Biroyî derheqê prosesê pêameyîşê Kurdan sîyasetê Amerîka û Rûsya yê Rojavayê Kurdistanî de qalî kerd.

Îbrahîm Biroyî derheqê nehîyeya Eyn Îsayî de va: “Nehîyeya Eyn Îsayî rayîrê mîyandewletî yê M4 ser o ca gêna û cayê aye stratejik o. Herêma Kobanê û Cizîre ewbînan rê girêdana. Ma vînenê ke Rûsya wazena heme heremê ke destê HSD de yê teslîmê rêjîmê Sûriye biko. Tirkiya zî nê sîyasetê Rûsya sey firsend vînena û kena ke  Eyn Îsa bigîro.

Biroyî va: “Ma vînenê ke sîyasetê Amerîka Sûriye de zelal nîyo. Ma nêzanê serekê Amerîka yo newe Joe Bidin dosîyasetêko senî biko. Tirkiya bê destûrê Amerîka yan Rûsya, nêeşkena Eyn Îsayî îşgal biko. Cayê ke hetê Tirkîya ra verê cû ameyê îşgalkerdene, bi destûrê ê dewletan ameyê îşgalkerdene.”

Persa diyalogê kurdî – kurdî ser o zî Endamê Komîteya Têkilîyanê Teberî yê ENKSyî wîna va: “Key ke prosesê diyalogê kurdî – kurdî de averşîyayîş beno, hetê PYNKyî ra vengê cîya bi cîya yene. Heto bîn ra semedo ke PKK herême esta no destê Tirkiyê de beno bahaneyêk ke hêrişê Rojava biko. Zaf kare ke hetê PYD û Rayverîya Xosere ra yene kerdene kewenê hetê Tirkîya ra yene pûçkerdene.”

“Yewitîya kurdan lazim a. Amerîka zî mîyanê nê prosesi de ya. La Amerîka hema projeyêka zelale seba diyalogê kurdî pêşkêş nêkerda